Олжас Ибраев – BIART директоры, халықаралық тәжірибесі бар театр продюсері және сахналық жобалар менеджері.

BIART-та Олжас даму бағытына жетекшілік етеді: оқытушылар мен тәлімгерлер құрамын қалыптастырады, кәсіби талаптарды нақтылап, мектептің барлық бағытын біріктіретін білім беру бағдарламаларының ортақ стратегиялық бағытын белгілейді.
Өнер саласында 11 жылдан астам еңбек еткен Олжас Қазақстанда және шетелде – ұлттық театр сахналарынан бастап Еуропаның халықаралық алаңдарына дейін – көптеген театрлық және мәдени жобаларды жүзеге асырды. Ол көркемдік-қою үдерістерін басқарды, шығармашылық ұжымдарды құрды, мемлекеттік және халықаралық мекемелерде ауқымды жобаларды ұйымдастырды.
Оның жобалары: Франциядағы Avignon Off әлемдік театр фестивалі, Түркиядағы түркі халықтарының халықаралық фестивалі, Еуропаның алты астанасында (Берлин, Париж, Канн, Брюссель, Вена, Мәскеу) өткен «Ұлы дала театры» жобасы, Dala Dauysy және т.б. республикалық фестивальдары ме

Басшылық қызметтері қатарында:
Т. Ахтанов атындағы облыстық драма театрының директоры
М. Әуезов атындағы театрдың шығармашылық қызмет жетекшісі;
«Астана Мюзикл» мемлекеттік театры труппасының меңгерушісі;
Қ. Қуанышбаев атындағы мемлекеттік академиялық музыкалық-драма театры директорының көркемдік-қою ісі жөніндегі орынбасары;
— декан факультета «Ұлттық өнер» КазНАИ им. Т. Жургенева.
2024 жылы Лондонда Warehouse Theatre театрында тағылымдамадан өтіп, «Макбет» спектаклінің қойылымына қатысып, заманауи театрдағы цифрлық және мультимедиалық технологиялардың сахна мен көрермен арасындағы өзара байланысына тигізетін ықпалын зерттеді.

Білімі: драма театры мен кино актері (Қазақ Ұлттық Өнер Университеті), MBA дәрежесі («Тұран» университеті), сахналық өнер менеджменті бойынша диплом (Г. Г. Дадамян атындағы Сахналық Өнер Қайраткерлерінің Жоғары Мектебі, Мәскеу).

Мадина Бекмадиева – халықаралық тәжірибесі бар скрипкашы, педагог және музыкалық жобалар жетекшісі.

BIART-та Мадина Музыкалық Өнер бағытына жетекшілік етіп, білім беру бағдарламаларын әзірлейді және оқушылар ансамбльдерінің жұмысын үйлестіреді.
Ол оркестрлік музыканы насихаттауға және жас музыканттарды қолдауға бағытталған SEZIM MUSIC SHOW Orchestra ұжымының идея авторы әрі негізін қалаушысы, сондай-ақ жаңа буын өнерпаздарының қабілетін дамытатын Art Generation шығармашылық орталығының негізін қалаушы.
Мадина – республикалық және халықаралық байқаулардың лауреаты. Оның шәкірттері Франциядағы Nouvelles Etoiles, Мәскеудегі Concerto Virtuoso, «Алтын Олимп» (Қорған облысы) және өзге де беделді байқауларда жүлделі орындарға ие болған.
Қазақ ұлттық музыка академиясында дәріс береді, «Каприччи» скрипкашылар ансамблін басқарады, арнайы пәндер оқытушысының бірінші біліктілік санатына ие.

Білімі: “Музыка” мамандығы бойынша бакалавр (Қазақ Ұлттық Музыка Академиясы, үздік диплом), музыкалық-аспаптық өнер магистрі (М. И. Глинка атындағы Новосибирск Мемлекеттік Консерваториясы).

Расул Усманов — халықаралық сахналарда өнер көрсеткен мюзикл актері, режиссер және педагог.

BIART-та Расул «Ұлттық театр» курсын жүргізіп, Актерлік Шеберлік бағытына жетекшілік етеді, балалар мен жасөспірімдерге арналған білім беру бағдарламалары мен шеберлік сабақтарын әзірлейді.
«Notre Dame de Paris», «Ромео мен Джульетта» (қазақ тілінде) мюзиклдеріндегі басты партиялардың орындаушысы. Франция, Австрия, Бельгия, Ресей және АҚШ-та гастрольдік сапарларда болып, Madison Square Garden сахнасында өнер көрсетті. Санкт-Петербург мемлекеттік музыкалық комедия театрының мюзикл солисі ретінде «Мисс Сайгон», «Аладдин», «Ұлы шоумен», «Иисус Христос – суперзвезда» және басқа да қойылымдарға қатысты.
Өз қойылымдарының авторы әрі режиссері, B-FEST фестивалінің (2024, 2025) Гран-при иегері, «Сахнагер» ұлттық театр сыйлығының «Үміт» аталымының лауреаты
«Димашали» продюсерлік орталығымен ынтымақтаса жұмыс істеп, Димаш Құдайбергеннің әлемдік концерттерінде (Лондон, Рига, Астана, Мәскеу, Мехико, Каир, Сочи, Нью-Йорк, Киев, Санкт-Петербург) бэк-вокалист ретінде өнер көрсетті.

Білімі: «Музыкалық театр әртісі» мамандығы бойынша бакалавр (Т. Жүргенов атындағы Қазақ ұлттық өнер академиясы) және «Режиссура» мамандығы бойынша магистр (К.Байсейітова Қазақ ұлттық өнер университеті), «Театр режиссурасы» мамандығы бойынша докторант.

Амина Самарбаева – режиссер-хореограф, өнертану ғылымдарының магистрі, «ContraSSt» би театрының негізін қалаушы.

BIART-та Амина Хореография бағытына жетекшілік етіп, оқытушылар құрамын қалыптастыруға, балалар мен жасөспірімдердің жан-жақты шығармашылық дамуына бағытталған оқу бағдарламаларын әзірлеуге жауап береді.
Қазақстанның жетекші кәсіби ұжымдарына арналған көптеген хореографиялық қойылымдардың авторы әрі қоюшы-режиссері: «Наз» мемлекеттік би театры, Е. Рахмадиев атындағы мемлекеттік академиялық филармониясы, И. Байзақов атындағы Павлодар облыстық филармониясы, «Салтанат» мемлекеттік би ансамблі, «Қазына» халық би ансамблі, «Бірлік» ән-би ансамблі, «Гүлдер» ансамблі, сондай-ақ балалар мен жасөспірімдер ұжымдары — «Шолпан» (Қарағанды), «Нұр шашу» (Астана), «Искорка» (Астана), «Самрұқ» (Екібастұз), «Гүлнар» (Астана) және тағы басқалары.
Негізгі жобалары: Astana EXPO-2017 аясында ұсынылған «Өмір энергиясы» бір актілі балеті, «Dance speech» авторлық би жобасы, «Alter» америкалық ғылыми-фантастикалық фильміндегі хореографиялық жұмыс, V Дүниежүзілік көшпенділер ойындарының ашылу салтанатына арналған қойылым, «Алдар көсе» бір актілі хореографиялық спектаклі және Қазақстандағы алғашқы jukebox-мюзикл — «Бақыт құшағында».
Халықаралық және республикалық байқаулардың лауреаты: «Шабыт» ХІХ халықаралық шығармашыл жастар фестивалінің лауреаты және арнайы диплом иегері, IDO Asian Open Grand Prix байқауында II орын иегері, М. Эсамбаев атындағы халықаралық жеке би фестиваль-байқауының дипломанты (Грозный), Қазақ ұлттық хореография академиясының жас хореографтар байқауында I орын иегері, Ш. Жиенқұлова атындағы республикалық қазақ биі байқауында III дәрежелі лауреат, «Арабеск–2024» (Пермь) ашық ресейлік балет әртістері байқауының қатысушысы, «Ашық сахна» жас хореографтар байқауының финалисі. Қазақстан Республикасы Мәдениет және спорт министрінің, сондай-ақ Қазақстан Республикасының Президенті Қасым-Жомарт Тоқаевтың Алғыс хаттарымен марапатталған.
Награждена благодарственными письмами министра культуры и спорта РК и Президента РК Қасым-Жомарта Тоқаева.

Білімі: «Хореография режиссурасы» мамандығы бойынша бакалавр, (Қазақ ұлттық өнер университеті, 2010–2015), өнертану ғылымдарының магистрі (Қазақ ұлттық хореография академиясы, 2016–2018). Қазақстанда заманауи, классикалық және джаз биі бойынша тағылымдамалар мен шеберлік сабақтарынан өткен.

Дана Мусина – интерьер және графикалық дизайн саласында 10 жылдан астам тәжірибесі бар иллюстратор әрі дизайнер.

BIART-та Дана Иллюстрация курсын жүргізіп, Digital Art бағытына жетекшілік етеді: білім беру бағдарламаларын қалыптастырып, авторлық курстарды әзірлейді және балалар мен ересектерге арналған шеберлік сабақтарын өткізеді.
Коммерциялық дизайн мен визуалды өнер саласында мол тәжірибесі бар маман ретінде Дана кәсіби қызметі барысында 60 000 шаршы метрден астам тұрғын және қоғамдық интерьер жобаларын жүзеге асырды: тұрғын үй кешендері, мейрамханалар, бизнес орталықтар мен қоғамдық кеңістіктер. Сонымен қатар Германия мен Мәскеудегі өндіріс орындарымен және фабрикалармен ынтымақтастықта жұмыс істеді.
Ол Coffee Boom, Summer, Maro секілді брендтер мен кофеханаларға арналған иллюстрациялар, өрнектер мен графикалық шешімдердің авторы, қаптама мен стақан дизайндарын әзірлеуші. Германия мен Мәскеуде өткен халықаралық көрмелерге (Heimtextil) қатысқан. ЮНЕСКО ұйымдастырған халықаралық байқаудың жеңімпазы, ресми басылымда жарияланған, кәсіби марапаттар мен интерьер журналдарындағы жарияланымдардың иегері.
Авторлық жібек орамалдар жасауға арналған арт-жобаның негізін қалаушы, сондай-ақ иллюстрация, өрнек және цифрлық сурет салу бойынша курстар мен шеберлік сабақтарының авторы әрі жүргізушісі. Оқытушылық тәжірибесінде Дана дәстүрлі бейнелеу тәсілдерін цифрлық құралдармен ұштастыратын «дақтан бастап эмоцияға дейін» атты авторлық әдісті дамытады, студенттерге тек техникалық шеберлікті ғана емес, образды, мінезді және иллюстрацияның эмоциялық тілін түсінуді үйретеді.

Білімі: Л.Н.Гумилев атындағы Еуразиялық ұлттық университеті, «Сәулеттік орта және интерьер дизайны» факультеті.